Sponsored
ඔබේ ආදරවන්තයා හෝ ආදරවන්තිය සමග විවාහ ගිවිස ගැනීමට වසංගත තත්වය සමනය වෙන තුරු බලා සිටින්නට වේ යැයි ඔබ දුකින් පසුවනවාද? දුක්වන්නට අවශ්‍ය නැත! කොවිඩ් වසංගතය අතරතුර ඔබේ විවාහ උත්සවය සැලසුම් කරන්නේ කෙසේද යන්න පිළිබඳව ප්‍රයෝජනවත් උපදෙස් කිහිපයක් මෙන්න.
ඔබේ සමීපතම පවුලට සහ මිතුරන්ට පමණක් ආරාධනා කිරීම වඩාත් සුදුසුය. අමුත්තන් සංඛ්‍යාව සීමා කිරීමෙන් ඔබට කොවිඩ් සෞඛ්‍ය රෙගුලාසි වලට අනුකූලව ඔබේ මංගල උත්සවය පැවැත්වීම පහසු වනු ඇත. වෛරසය පැතිරීමේ අවදානම අවම කිරීමටද එය උපකාරී වේ. (රෝගයට ගොදුරු වීමට වැඩි අවදානමක් ඇති ජ්‍යෙෂ්ඨ පුරවැසියන් සහභාගී කර නොගෙන සිටීම ගැන සලකා බලන්න. ඔබේ මිත්තණිය නම් කිසිසේත් එයට එකඟ නොවනු ඇත! නමුත් ඇය හෝ වයස අවුරුදු 60 ට වැඩි වෙනත් අය හෝ ඔබේ විවාහ උත්සවයට සහභාගී වන්නේ නම් ආරක්ෂාව ගැන අමතර සැලකිල්ලක් දක්වන්නේ කෙසේද යන්න ගැන කතාබස් කරගැනීමත් වැදගත්).
ශ්‍රී ලංකාවේ මංගල උත්සව අද්විතීයයි. පෝරුව චාරිත්‍ර වේවා, පල්ලියේ උත්සවය වේවා, මෙම සුවිශේෂී දවස සැමරීම සඳහා අපට අපේම වූ අපූරු ශෛලියක් තිබේ. එබැවින් ඔබේ මංගල උත්සව කටයුතු සූදානම් කිරීමට ප්‍රථම, සාමාන්‍යයෙන් විවාහ මංගල්‍යයක ආරම්භයේ සිට අවසානය දක්වා පුද්ගලයින් සමීප ලෙස ඇසුරු කරන සියලු අවස්ථා ගැන සිතා බලන්න.
නීති සහ රෙගුලාසි ගැන මංගල උත්සව දිනයට පෙරම ආරාධිත සෑම කෙනෙකුම දැනුවත් කරන්න. උත්සවය දින පිවිසුම් දොරටුවෙහි මෙන්ම පරිශ්‍රය තුළදීද සුහදශීලි දැන්වීම් එල්ලන්න. පමණට වඩා මදක් මධුවිත තොල ගෑ අමුත්තෙකු හෝ දෙදෙනෙකු (මත්පැන් භාවිතයට බලධාරීන් අවසර දී ඇති නම්), අප වසංගතයක් මධ්‍යයේ සිටින බව යන කාරණය මුළුමනින්ම අමතක කිරීමට ඉඩ ඇත! සියල්ල ගැන සෙවිල්ලෙන් සිටින්නටද, තත්වයන් පාලනයෙන් නොම ගිලිහෙන්නටද වග බලා ගැනීමට ඔබේ සමීප මිතුරන්ගේ හා පවුලේ අයගේ සහාය ලබා ගන්න.
ඔබ දෙපළට අපෙන් සුබ පැතුම්!